रौतहट । बिहीबार दुई गाउँलेबीच झडप भएको छ। रौतहटको गुजरा नगरपालिका ९ सिमराभवानीपुरमा झडप हुँदा स्थिति नियन्त्रणमा लिन प्रहरीले हवाई फायर गरेका छन।
झडपमा प्रहरी घाइते हुँदा पाँच जना स्थानीयलाई प्रहरीले नियन्त्रणमा लिदा दुवै पक्षलाई नियन्त्रणमा नियन्त्रणमा नलिएको भन्दै चौधरीपक्षले प्रहरीमाथि ढुंगा प्रहार गरेको थियो । नियन्त्रणमा लिन प्रहरीले ६ राउण्ड अश्रुग्यास र ७ राउण्ड हवाई फायर गरेको हो।
बनियाँ समुदायले होली खेल्न राखेको माटोको मट्का चौधरी समुदायका केही व्यक्तिले फुटाएपछि विवाद भएको प्रहरीको भनाइ छ ।
प्रहरीले २१ वर्षीय दिपेश चौधरी, आकास चौधरी, १७ वर्षीय पप्पु चौधरी, ३० वर्षीय सुकेश्वर चौधरी, ३० वर्षीय रोहित चौधरीलाई नियन्त्रणमा लिएको छ।
घाइते हरुको चन्द्रनिगाहपुरमा उपचार भइरहेको जिल्ला प्रहरी कार्यालय रौतहटका एसपी भुपेन्द्र खड्काले जानकारी दिए।
घटनास्थलमा चन्द्रनिगाहपुर, गरुडाबाट नेपाल प्रहरी तथा सन्तपुरबाट सशस्त्र प्रहरी परिचालन गरिएको छ।
