काठमाडौं । एसईइ परिक्षाको प्रश्नपत्र आउट भएपछि मधेश तनाबग्रस्त बनेको छ । आक्रोसित बिधार्थीको आन्दोलनले उग्रता लिइरहेको छ।
प्रदेश नं २ मा लगातार तिन दिन प्रश्न पत्र आउट भएपछि केन्द्र सरकारले परीक्षा नै स्थगित गर्दा प्रश्नपत्र सुरक्षित गर्न नसकेको भन्दै बिधार्थी हरुले शिक्षामन्त्री गिरिराजमणि पोख्रेल र मुख्य मन्त्री लालबाबु राउतको राजिनामा माग आन्दोलन उत्रिएका छन्।
बिज्ञान र सामाजिक विषयको प्रश्नपत्र आउट भएपछि शनिबार हुने स्वास्थ्य, जनसंख्या तथा वातावरण शिक्षाको समेत प्रश्नपत्र बाहिरिएपछि शिक्षा मन्त्रालयले प्रदेश २ को एसईई परीक्षा स्थगित गरेपछि विद्यार्थी आन्दोलित भएका छन् ।
विद्यार्थीहरुले पूर्वपश्चिम राजमार्गअन्तर्गत जिल्लाको खड्ग नगरपालिकास्थित कल्याणपुर र खरचुहियामा चक्काजाम गर्दा सयौं सवारी साधन रोकिँदा हजारौं यात्रु अलपत्र परेका छन् । प्रहरीले कल्याणपुरको चक्काजाम खुलाए पनि खरचुहियामा निरन्तर चक्काजाम रहेका कारण यात्रुहरुलाई सास्ती भोग्नुपरिरहेको छ ।
आक्रोशित परीक्षार्थीहरुले सप्तरी सदरमुकाम राजविराजमा संघीय शिक्षा मन्त्री गिरिराजमणी पोखरेलको पुत्ला जलाएका छन् । शिक्षा मन्त्रीले राजिनामा दिनुपर्ने मुख्य माग राख्दै उनीहरुले पुत्ला जलाएका हुन् ।
