काठमाडौं। युरोपेली च्याम्पियन्स लिग अन्तर्गत क्वाटरफाइनलको पहिलो लेगमा म्यानचेस्टर सिटीले हार व्यहोरेको छ । टोटेनहम हट्सपरले दक्षिण कोरियाका ह्युङ मिन सनको एक गोलले सिटीलाई १-० ले पराजित गरेको हो ।
गोल रहित पहिलो हाफमा कुनै प्रतिद्वन्दी गोल गर्न सकेनन् । दोस्रो हाफको ७८ औं मिनेटमा सनले गोल गर्दै टोटेनहमलाई निर्णयक गोलको योगदान गरे । सिटीले भने पहिलो हाफमै मिलेको पेनाल्टी सर्जियो अगुएरोबाट मीस हुन जाँदा बराबरीको स्थिती नहुन पुग्यो ।
सनले पेनाल्टी क्षेत्रभित्र एकल प्रयासमा गोल गरेका थिए । रेफ्रीले ड्यानी रोजको ह्यान्ड बलका कारण सिटीलाई पेनाल्टी दिएका थिए । दोस्रो लेग सीटीको घरेलु मैदानमा अर्को साता हुनेछ ।
