![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
![](https://newspolar.com/wp-content/uploads/2018/12/khanal-1024x682.jpg)
काठमाडौँ । नेपाल कम्युनिष्ट पार्टीका नेता झलनाथ खनालले जनताको आर्थिक विकास गरी मुलुकलाई समृद्धि बनाउन कम्युनिष्ट नेतृत्वको सरकारले मात्र सक्ने बताउनुभएको छ ।
काठमाडौँ महानगरपालिका–१५ ले नयाँ वर्ष २०७६ को उपलक्ष्यमा आज आयोजना गरेको शुभकामना आदान प्रदान तथा चियापान कर्यक्रममा पूर्वप्रधानमन्त्री खनालले सात दशक लामो प्रतिक्षापछि जनताले विकसित राष्ट्र निर्माणका लागि कम्युनिष्ट पार्टीलाई दुई तिहाई बहुमतको जनादेशसहित जिम्मेवारी प्रदान गरेको बताउनुभयो ।
देशमा भएका विभिन्न राजनीतिक आन्दोलनमा सक्रिय सहभागिता जनाएको कम्युनिष्ट आन्दोलनले लोकतन्त्र प्राप्तिमा निर्वाह गरेको भूमिका उल्लेखनीय रहेको बताउँदै उहाँले अब लोकतान्त्रिक मूल्य मान्यताको रक्षा र सामाजिक रुपान्तरणको अभिभारा कम्युनिष्ट सरकारको भएको बताउनुभयो ।
देशमा विद्यमान गरीबीको न्यूनीकरणका लागि उत्पादनशील क्षेत्रमा लगानी गरी रोजगारी वृद्धि गरिने उहाँको भनाइ थियो । नेताहरु अष्टलक्ष्मी शाक्य, जीवनराम श्रेष्ठ, कामपा प्रमुख विद्यासुन्दर शाक्यलगायतले स्थानीय विकास तथा पूर्वाधार निर्माणमा सक्दो सहयोग गर्ने प्रतिबद्धता व्यक्त गर्नुभयो ।