काठमाडौं । गृहमन्त्री रामबहादुर थापा बादलले गत फागुन महिनामा ४२ लाख ८० हजार रुपैंया विभिन्न व्यक्तिलाई उपचार खर्च बाँडेका छन् ।
अर्थ मन्त्रालयका अनुसार मन्त्रिपरिषदको निर्णयका आधारमा प्रधानमन्त्रीको गृह जिल्ला झापा समेतका नौ व्यक्तिले उक्त रकम पाएका छन् ।
उपचार खर्च प्राप्त गर्नेहरु:
१. धनुषा छनछप्टी–६ का श्रीप्रसाद साह (५ लाख)
२. दाङ, टरिगम–९ का रोमहर्ष भण्डारी (३ लाख)
३. चितवन माडी–३ का भुवानीप्रसाद उपाध्याय (३ लाख)
४. बाजुरा गौमुल–४ का बिरेन्द्र बहादुर रोकाय (६ लाख ८० हजार)
५. गोरखा भच्चेकका श्रीनाथ अधिकारी (५ लाख)
६. झापा भद्रपुर–४ देवकीदेवी क्षेत्री (५ लाख)
७. लमजुङ बेसीशहर विशाल भण्डारी (५ लाख)
८. काठमाडौं बुढानिलकण्ठ–५ रामजी खत्री (५ लाख)
९. स्याङ्जा मालुङ्गाकी देवका बस्याल (५ लाख)
अर्थ मन्त्रालयले ती व्यक्तिलाई मन्त्रिपरिषदको गत माघ २१ र माघ २५ गतेको निर्णयका आधारमा गृह मन्त्रालयलाई निकासा गरेको हो ।
यसैगरी मन्त्रिपरिषदको माघ १८ को निर्णयअनुसार पूर्व उपप्रधानमन्त्री भरतमोहन अधिकारी समेतका तीन जनाले २१ लाख रुपैयाँ उपचार खर्च पाएका छन् ।
अर्थ मन्त्रालयका अनुसार उपचार खर्च बापत भरतमोहन अधिकारीलाई रु. १० लाख, गोरखा घ्याच्चोककी सुनिता रेग्मीलाई ४ लाख र झापाका देवीप्रसाद रेग्मीलाई ७ लाख रुपैयाँ दिइएको छ ।
यस्तै, फागुन ११ को मन्त्रिपरिषदको बैठकको निर्णयका आधारमा जुम्लाको कनकासुन्दरी ५ का धर्मानन्द न्यौपाने सहित नौ जनालाई उपचार खर्च बापत २७ लाख रुपैयाँ गृह मन्त्रालयका नाममा निकासा भएको अर्थ मन्त्रालयले जनाएको छ ।
