काठमाडौं । इङलिस प्रिमियर लिग अन्तर्गत गए राति भएको खेलमा लिभरपुलले चेल्सीलाई २-०ले पराजित गर्दै शीर्ष स्थानमा उक्लिएको छ ।
लिभरपुलका लागि साडियो माने र मोहम्मद सलाहले एक एक गोल गरे । माने र सलाह दुई मिनेटका अन्तरमा गोल गरेका थिए । जीतसँगै अंक तालिकामा लिभरपुलले नचेस्टरसिटीभन्दास्पष्ट दुई अंकका अग्रता कायम भएको छ ।
लिभरपुलको ३४ खेलबाट ८५ अंक भएको छ । यसैगरी इपिएल अन्तर्गत आइतबार राति भएको खेलमा म्यानचेस्टर सिटीले क्रिष्टल प्यालेसमाथि ३-१ गोल अन्तरले पराजित गरेको छ । सिटीका लागि रहीम स्टालिङले दुई तथा एक गोल गाब्रियल जेससले गरेका थिए ।
प्रिमियर लिगमा सिटीमा ८३ अंकका साथ दोस्रो स्थानमा रहेको छ । अंक तालिकामा शीर्ष स्थानमा ८५ अंकका साथ लिभरपुल रहेको छ । तर सिटीले लिभरपुलभन्दा एक कम खेल खेलेको छ ।
