काठमाडौं । इन्डियन प्रिमियर लिग (आईपीएल) को गए राति भएको खेलमा किंग्स इलेवन पन्जाब बिजयी भएको छ । पन्जाबको जितका लागि कप्तान आर अश्विनले ४ बलमा बनाएको १७ रनले राजस्थानलाई १२ रनले पराजित गर्न सफल भएको हो ।
जितको लागि १८३ रनको लक्ष्य पाएको राजस्थानले ७ विकेट गुमाएर १७० रन मात्रै बनाउन सक्यो । टस हारेर ब्याटिंग गरेको पन्जाबले १९.१ ओभरमा ६ विकेट गुमाएर १६४ रन बनाएको थियो ।
पन्जाबका डेभिड मिलर ४० रन बनाएर धवल कुलकर्णीको पहिलो बलमै बटलरको हातबाट क्याच आउट गराए । त्यसपछि मैदानमा उत्रेका अश्विनले धवल कुलकर्णीकै दोस्रो बलमा चौंका प्रहार गरे । तेस्रो बलमा १ रन बनाएपछि चौंथो बलमा मैदानमा रहेका मुजीब उर रहमानले लेगबायको एक रन लिए ।
त्यसपछि धवल कुलकर्णीका बाँकी दुई बलमा छक्का प्रहार गरेर अश्विनले उत्कृष्ट प्रर्दशन गरे । यो ओभरमा अश्विनले १७ र साझेदारीमा १८ रनबनाए । अश्विनको १७ रनले पन्जाब २० औं ओभरमा ६ विकेट गुमाएर १६४ रनबाट १८२ रनमा पुग्यो ।
पन्जाबका ओपनर केएल राहुल र क्रिस गेलले पहिलो विकेटका लागि ३८ रनको साझेदारी गरे । गेलले २२ बलमा दुई चौका र तीन छक्कासहित ३० रन बनाए । केएल राहुलले भने ४७ बलमा ५२ रन बनाए । त्यस्तै मयंक अग्रवालले २७ रनको योगदान दिए ।
उता पन्जाबको १९श्र१ ओभरमा ६ विकेट गुमाएर १६४ रनको स्थिती जस्तै राजस्थानले पनि १९।१ ओभरमा ७ विकेट गुमाउदै १६० रन बनाएको थियो । राजस्थानका लागि राहुल त्रिपाठीले ५०, जोस बटलरले २३, सन्जू सेमसनले २७ र अजिंक्य रहानेले २६ रन बनाए । योसँगै पन्जाब ९ खेलमा ५ खेल जितेर १ण् अंककासाथ अंक तालिकाको चौंथो स्थानमा छ ।राजस्थान ८ खेलमा २ जितेर अंकतालिकाको ठ औं स्थानमा छ ।
