काठमाडौं । इन्डियन प्रिमियर लिग (आईपीएल)को ३४ औं खेलमा दिल्ली क्यापिटल्स मुम्बई इन्डियन्सद्वारा ४० रनले पराजित भएको छ । १ सय ६९ रनको विजयी लक्ष्य पछ्पाएको दिल्लीले निर्धारित २० ओभरमा ९ विकेट गुमाउँदै १ सय २८ रन मात्र बनाएर हार व्यहोरेको हो । मुम्बई जितसँगै अंक तालिकाकाको दोस्रो स्थानमा उक्लिएको छ । मुम्बईले निर्धारित २० ओभरमा ५ विकेटको क्षतिमा १ सय ६८ रन बनाएको थियो ।
दिल्लीको मैदान फिरोज शाह कोटला मैदानमा टस हारेर फिल्डिंग पाएको दिल्लीका लागि ओपनर शिखर धवन २२ बलमा ५ चौका र १ छक्कासहित ३५ रन बनाउँदै सातौ ओभरको तेस्रो बलमा राहुल चाहरबाट बोल्ड आउट भए । अर्का ओपनर पृथ्वी शालाई २० रन बनाउँदै हार्दिक पान्ड्याले क्याच आउट गरे । त्यसपछि कोलिन मुनरो १० औं ओभरको चौथो बलमा कु्रनाल पान्ड्याबाट र कप्तान श्रेयस ऐरला ११ ओभरको दोस्रो बलमा ३ रनमा राहुल चाहरबाट बोल्ड आउट भए ।
ऋषभ पन्त ७ रन बनाएपछि बुमराहबाट बोल्ड आउट भए । अक्षर पटेल२६, क्रिस मोरिस ११, किमो पल ० र कागिसो रबडा ९ रनमा आउट र अमित मिश्रा ६ रनमा अविजित रहे । मुम्बईका राहुल चाहरले सार्वधिक ३ विकेट लिए । जसप्रित बुमराहले २ र लाथिस मलिङ्गाले १, कु्रनाल पान्डयाले १ र हार्दिक पान्ड्याले पनि १ विकेट लिए ।
मुम्बईका लागि ओपनर कप्तान रोहित शर्मा र क्विन्टन डी कक थिए । कप्तान रोहित शर्माले २२ बलमा ३ चौका र १ छक्का प्रहार गर्दै ३० बनाएपछि ७ औँ ओभरको पहिलो बलमा अमित मिश्राबाट बोल्ड आउट भए ।
क्विन्टन डी कक २७ बलमा २ चौका र २ छक्कासहित ३५ रनबनाउँदै १० औं ओभरको पाँचौ बलमा रन आउट भए । , ओपनर शर्मा र डी ककले पहिलो विकेटका लागि ७ ओभर सम्म ५७ रनको साझेदारी गर्दै राम्रो सुरुवात दिलाएका थिए । बेन कटिङ्ग २ र सुर्य कुमार यादव २६ र हार्दिक पान्ड्या ३२ रनमा आउट भए । कु्रनाल पान्ड्या ३७ रनमा अविजित रहे । दिल्लीका कागिसो रबडाले २ विकेट लिए भने अमित मिश्रा र अक्षर पटेलले एक एक विकेट लिए ।
९ खेल खेलेको मुम्बई ६ जितहुँदा १२ अंकसहित दोस्रो स्थानमा पुगेको छ भने ९ खेलमा ५ जितको दिल्ली १० अंकसहित तेस्रो स्थानमा छ ।
