काठमाडौं । प्रधानमन्त्री केपी शर्मा ओलीलाई कालो झण्डा देखाउने रुद्रप्रसाद घिमिरे रिहा भएका छन् । उनलाई सर्वोच्च अदालतले मंगलबार असाधारण क्षेत्राधिकार अन्तर्गत रिटद्वारा १० दिनपछि रिहा गरेको हो ।
सर्वोच्च अदालतका न्यायाधीशद्वय दीपककुमार कार्की र हरिप्रसाद फुँयालको संयुक्त इजलासले बुटवल उपमहानगरपालिका वडा नं. १ बाट वैशाख ७ गते पक्राउ परेका आरोपी भन्ने रुद्रप्रसाद घिमिरेलाई ‘गैरकानुनी थुनामा राखेको’ ठहर गर्दै रिहाइ गरिदिएको नागरिक दैनिकमा खबर छ ।
घिमिरेलाई जितगढी विजयोत्सव मनाउँदै गर्दा प्रधानमन्त्रीलाई कालो झण्डा देखाएको अभियोगमा पक्राउ गरिएको थियो ।
