काठमाडौं । दाइजोमा लाखौं रुपैयाँ ल्यार पनि सुत्ने पलङ नल्याएको निहँमा रौतहटमा एक महिलाको हत्या भएको आरोप माइती पक्षले लगाएका छन् । गत शनिबार झुन्डिएको अवस्थामा भेटिएकी एक युवतीलाई पलङको निहँमा हत्या गरेर झुन्ड्याएको माइती पक्षले आरोप लगाएको हो ।
रौतहटको राजदेवी नगरपालिका–३ चण्डिहाका २४ वर्षीय विवेक तिवारीको २२ वर्षीया श्रीमती निशा उपाध्याय तिवारीलाई माइतीबाट दाइजोस्वरुप सुत्ने पलङ नल्याएको निहँमा चरम यातना दिई हत्या गरी आत्महत्या गरेको भन्ने देखाउन पासोमा झुन्ड्याइएको मृतकका दाजु दिलीप उपाध्यायले बताए ।
बिहेमा नगद ८ लाख, मोटरसाइकल, टिभी, दराजलगायत सामान दिए पनि पलङ नदिँदा पटकपटक यातना दिने गरेको माइती पक्षको आरोप छ ।, समाचार नागरिक दैनिकले प्रकाशित गरेको छ ।
