काठमाडौं । अन्तर्राष्ट्रिय क्रिकेट परिषद (आइसिसी) को टी–ट्वान्टी क्रिकेटको वरियतामा नेपालले तीन स्थान सुधार गरेको छ।
आइसिसीले शुक्रबार सार्वजनिक गरेको नयाँ वरियतामा २१२ अंक पाउदै नेपाल ११ औं स्थानमा उक्लिएको हो।
यसअघि १४ औं स्थानमा रहेको थियो । नेपालले अयरल्यान्ड र जिम्बाबे जस्ता टेष्ट राष्ट्रलाई पछि पारेको छ ।
टी–ट्वान्टी वरियताको शीर्ष स्थानमा पाकिस्तान, दोस्रोमा दक्षिण अफ्रिका, तेस्रोमा इंग्ल्यान्ड, चौंथोमा अष्ट्रेलिया र पाँचौ स्थानमा भारत रहेको छ ।
स्कटल्यान्ड १२, जिम्बाबे १३ ,आयरल्यान्ड १५ र युएई १६ औं स्थानमा छन्।
