काठमाडौँ । इण्डियन प्रिमियर लिग (आइपिएल) अन्तिम चरणमा पुगेको छ । आइपिएलका ८ टिमले समुह चरणका १३/१३ खेल खेली सकेका छन् । अहिलेसम्म तीन टीम यस सिजनको प्लेअफमा पुगिसकेका छन् ।
चेन्नई सुपरकिंग्स १८ अंकसहित शिर्ष स्थानमा रहेको छ भने मुम्बई इण्डियन्स १६ अंकसहित दोस्रो स्थानमा छ । त्यस्तै दिल्ली क्यापिटल्स पनि १६ अंकसहित रनरेटको आधारमा तेस्रो स्थानमा रहेको छ ।
अब प्लेअफमा पुग्ने चौथो टिमका लागि भने तीन टिमको सम्भावना रहेको छ । जसमा सनराइजर्स हैदरावाद, कोलकोता नाइटराइडर्स र राजस्थान रोयल्स रहेका छन् । यी तिन टिम प्लेअफमा पुग्न अब आफ्नो प्रदर्शनले मात्र नपुग्ने देखिन्छ । अन्य टिमको प्रदर्शनमा पनि उनीहरुको प्लेअफ यात्रा तय हुने देखिन्छ ।
रोयल च्यालेन्जर्स बैंगलोर र किंग्स इलेभेन पंजाव भने यस सिजनबाट एक खेल खेल्न बाँकी हुदै बाहिरीई सकेका छन् ।
अब प्लेअफमा पुग्ने चौथो टिममा तीन टिमका सम्भावना बारे चर्चा गरौ स्
अहिले १३ खेल खेलिसक्दा हैदरावाद १२ अंकसहित राम्रो रनरेटसहित चौथो स्थानमा रहेको छ । हैदरावादले आफ्नो अन्तिम खेल आज बैंगलोरसँग खेल्दै छ । हैदरावादले खेल जितेमा उसको रनरेट झन् राम्रो हुने र प्लेअफमा पुग्ने सम्भावना बढी देखिन्छ ।
त्यस्तै कोलकोता पनि १२ अंकसहित पाचौ स्थानमा रहेको छ । तर कोलकोताले खेल जितेपनि हैदरावादले हारेमा या कोलकोताले आइतबार हुने मुम्बई विरुद्धको खेलमा फराकिलो अन्तरले जितेर रनरेट सुधार्नुपर्ने चुनौती रहेको छ ।
त्यस्तै राजस्थान रोयल्सको लागि भने आज हुने दिल्लीविरुद्धको खेल जितेर मात्र प्लेअफमा पुग्ने सम्भावना छैन । किनकी उसको अहिले १३ खेलमा ११ अंक छ । अर्को खेल जितेमा उसको १३ अंक मात्र हुन्छ । यस्तो अवस्थामा हैदरावाद र कोलकोता दुवैले आफ्नो अन्तिम खेलमा हार बेहोर्नु पर्ने हुन्छ ।
पहिलो र दोस्रो स्थानको लडाई :
समुह चरणमा पहिलो र दोस्रो हुने लडाई अहिले प्लेअफमा पुगेका तीन टिम रहेको छ । प्लेअफमा छ्नौट हुने चौथो टिम चौथो स्थानमा नै रहने पक्का भएको छ । यस्तोमा अब शिर्ष स्थानमा रहेको चेन्नईले आफ्नो अन्तिम खेल पंजावसँग आइतबार खेल्दै छ । त्यस्तै दोस्रो स्थानमा रहेको मुम्बईले आइतबार नै कोलकोतासँग खेल्दै छ । त्यस्तै तेस्रो स्थानमा रहेको दिल्लीले राजस्थान रोयल्ससँग आज खेल्दै छ ।
तीन टिम फरक फरक टिमसँग खेलिरहेकाले सबैले आ(आफ्नो खेल जितेमा शिर्ष स्थानमा चेन्नई नै रहने देखिन्छ । किनकी मुम्बई र दिल्लीकोभन्दा उसको २ अंक बढी रहेको छ । तर मुम्बई र दिल्लीबीच भने रनरेटको आधारमा दोस्रो र तेस्रो स्थानको तय हुने छ ।
प्लेअफमा पहिलो र दोस्रो टिमका लागि फाइनलमा पुग्ने दुई अवसर पाउने हुनाले पनि मुम्बई र दिल्लीका लागि दोस्रो हुनै पर्ने लडाईमा रहेका छन् ।
प्लेअफमा पहिलो र दोस्रो बीच पहिलो क्वालिफायर हुने छ, जसको विजेता टिम सिधै फाइनलमा पुग्ने छ । त्यस्तै तेस्रो र चौथो टिमबीच इलिमिनेटर खेल हुने छ । जसको विजेता टिमले पहिलो क्वालिफायरमा पराजित टिमसँग दोस्रो क्वालिफायर खेल्ने छ । यसरी दोस्रो क्वालिफायरको विजेता फाइनलमा पुग्ने दोस्रो टिम हुने छ ।
यस आइपिएलको पहिलो क्वालिफायर आगामी मंगलबार राति ७ स् ४५ मा हुने छ भने इलिमिनेटरको खेल बुधबार साँझ हुने छ । त्यस्तै दोस्रो क्वालिफायर खेल शुक्रबार साँझ हुने छ भने फाइनल खेल आगामी आइतबार हुने छ ।
