काठमाडौं । आइतबार राति भएको स्पेनिस ला लिगा फुटबल खेलमा रियल मड्रिडले रियल भिल्लारियललाई ३-२ ले पराजित गरेको छ।
हिजोको खेलमा मारिनो डियाजले खेलको दोश्रो मिनेटमा गोल गर्दै मड्रिडलाई अग्राता दिलाएका थिए। सो अग्रतालाई भिल्लारियलले खेलको ११ औं मिनेटमा बराबरी गर्यो। सो गोल जेरार्ड मेरोनोले गरेका हुन्।
यस्तै खेलको ४० औं मिनेटमा रियलले दोश्रो गोल गर्यो। सो गोल जिसस भालेजोले गरेका थिए। पहिलो हाफमा २-१ को अग्रता कायम गरेको रियलका लागि मारियानोले तेश्रो गोल खेलको ४९ मिनेटमा गरे।
३-१ ले पछि परेको भिल्लारियलले अतिरिक्त समयको चौथो मिनेटमा दोश्रो गोल गरेको थियो। जाउम कोस्टाले भिल्लारियलका लागि सो गोल गरेका हुन्।
जितसँगै दुई खेल खेल्न बाँकी रहेको रियल मड्रिडको ६८ अंक भएको छ । ऊ लिगको तेश्रो स्थानमा रहेको छ।
