काठमाडौं । इङ्ल्याण्ड विश्वकप क्रिकेट खेल्न लागेको अफगानिस्तानलाई भारतीय डेरी कम्पनी अमूलले प्रायोजन गर्ने भएको छ।
अमूलले वार्षिक ४५ हजार करोड भारूको कारोबार गर्छ। मे ३० बाट क्रिकेट विश्वकप सुरू हुँदैछ।
प्रायोजन समझौता पछि गुजरात कोअपरेटिङ मिल्क मार्केटिङ फेडरेशनका प्रबन्ध निर्देशक डा। आरएस सोढीले अफगानिस्तानसँग जोडिन पाउँदा खुशी लागेको बताए।
‘हामीलाई विश्वास छ अफगानिस्तानको टोलीले विश्वकपमा उत्कृष्ट प्रदर्शन गर्नेछ’, उनले भने।
यसैगरी अफगानिस्तान क्रिकेट बोर्डका सिईओ असदुल्ह खानले अमूलले प्रायोजन गर्नु अफगानिस्तानका लागि खुशीको कुरा भएको बताए।
