काठमाडौं । प्रधानमन्त्री केपी शर्मा ओली बिहीबार दक्षिणपूर्वी एसियाली मुलुकहरू भियतनाम र कम्बोडियाको भ्रमणमा जाँदैछन्।
नेपाली टोलीको नेतृत्व गर्दै प्रधानमन्त्री ओली नेपाल एयरलाइन्सको जहाज चार्टर्ड गरेर बिहान ११ बजेपछि होनाइका लागि उड्ने कार्यक्रम थियो ।
प्रधानमन्त्री ओलीको उडानको समयलाई ध्यानमा राखेर आधा घण्टा विमानस्लथमा विमानको उडान अवतरण रोकेको विमानस्थल कार्यालयका प्रमुख राजकुमार क्षेत्रीले जानकारी दिए ।
उनले आधा घण्टाका लागि मात्रै अरु उडान रोकेकाले त्यस पछि उडान अवतरण खुला भएको बताए । प्रधानमन्त्री ओलीको सवारीका कारण अहिले उपत्यकामा सडकमा पनि जाम बढेको छ । भीभीआईपीको सवारीका कारण गौशाला, चावहिल, एयरपोर्ट, माइतीघर मण्डला, थापाथालीलगायत ठाउँमा जाम छ ।
यसअधि पनि राष्ट्रपति विद्यादेवी भण्डारीको चीन उडानका कारण त्रिभुवन विमानस्थलको अन्य उडान चालिस मिनेट ठप्प भएको थियो ।
भिभिआइपी उडानको समयमा विमानस्थलमा बिहान १०ः४५ देखि नोटाम (नोटिस टु एइर म्यान) चालिस मिनेटका लागि जारी गरिएपछि अन्य सबै उडान होल्ड भएको थियो ।
त्सबेला सिचुआन एयरलाइन्सको जहाज ल्हासा नै फर्काइएको थियो ।