काठमाडौं । नेकपा अध्यक्ष पुष्पकमल दाहाल ‘प्रचण्ड’ले बिहीबार दोस्रो पटक सीता दाहालको सिउँदो भर्दैछन्।
२०२६ साल वैशाख २६ गते सीता दाहालसँग विवाह गरेका प्रचण्डले ५० औं वैवाहिक वर्षगाँठ विशेष ढंगले मनाउन लागेका हुन्। बिहीबार साँझ ५ बजे खुमलटारस्थित निवासमा पारिवारिक जमघटमा प्रचण्डले सीतालाई सिन्दुर लगाउने तयारी छ।
प्रचण्ड पुत्र प्रकाश दाहालको निधन भएपछि सीता दाहालको स्वास्थ्य स्थिति बारम्बार बिग्रँदै आएपछि पुनः विवाहले सिता दाहालको स्वास्थ्योपचारमा मानसिक रुपले सकारात्मक प्रभाव पर्ने भएपछि सिन्दुर लगाउने भएका हुन् ।
यो कार्यक्रममा मिडियालाई भने प्रतिबन्ध लगाइएको छ।