काठमाडौं । शुक्रबार बिहान युरोपा लिग अन्तर्गत फाइनलका प्रवेशका लागि भएको खेलमा चेल्सीले घरेलु मैदानमा बराबरी खेलेपछि पेनाल्टीमार्फत जित निकालेको छ । जितसँगै चेल्सी आर्सनलविरूद्ध फाइनल पुगेको छ ।
रुबीन लोफ्टस चीकले २८ औ मिनेटमा गोल गर्दै चेल्सीलाई अग्रता दिएका थिए । पहिलो हाफमा फ्रान्कफर्टले गोल फर्काउन सकेन तर दोस्रो हाफको सुरुमै फ्रान्कफर्टका लुका जोभिकले गोल फर्काएपछि स्थिती बराबरीमा आएको थियो ।
खेलको बाँकी समयमा कुनै पनि टोलीले गोल गर्न नसकेपछि समग्रमा समेत २-२ को बराबरी रहेका दुबै टोली पेनाल्टीमा पुगेका थिए । पेनाल्टीमा ४-३ले जित्दै चेल्सी फाइनल प्रवेश गरेको हो । चेल्सीले अब २९ मेमा आर्सनलसँग खेल्ने छ । इडन हजार्डले विजयी पेनाल्टी गरेका थिए । युरोपमा लिग र च्याम्पियन्स लिगमा पहिलो पटक चारओटै इंग्लिस कलव लिभरपुल, टोटेनहम, आर्सनल र चेल्सी पुगेका छन् ।
