काठमाडौं । सरकारले अतिविशिष्ट पदाधिकारी निवासको १ किलोमिटर हवाई दूरीभित्र ड्रोन उडान निषेध गरेको छ । ड्रोन उडान सम्बन्धी नयाँ कार्यविधिमार्फत सरकारले पहिलोपटक ड्रोन निषेधित क्षेत्र तोकेको हो ।
अब राष्ट्रपति, उपराष्ट्रपति, प्रधानमन्त्रीलगायतका निवास वरपर र देशको प्रमुख प्रशासनिक अड्डा सिंहदरबार आसपास पनि अब ड्रोन उडाउन पाइने छैन । य
यस्तै, काठमाडौं उपत्यकाका माइतिघर मण्डला, स्वयम्भूनाथ, बौद्धनाथ, बुढानिलकण्ठ, दरवार स्क्वायर क्षेत्रमा पनि ड्रोन उडाउन रोक लगाइएको छ । पुरातात्विक तथा धार्मिक क्षेत्र निर्धारण गरेका स्थानमा पनि यसतो निषेध लागू हुनेछ ।
सरकारले ड्रोन उडाउन नेपाललाई तीन क्षेत्रमा वर्गिकरण गरेको छ । त्यसमध्ये संवेदनशिल क्षेत्रमा ड्रोन निषेध गरिएको हो । सामान्य क्षेत्रका रुपमा मानवरहित इलाका, संरक्षित वा नियन्त्रित क्षेत्र बाहेकका खुला क्षेत्रलाई मानिएको छ । मध्यम क्षेत्रका रुपमा बस्ती, समूदाय, संरक्षित वा आरक्षित क्षेत्रलाई मानिएको छ ।
यस क्षेत्रमा भने सरकारी निकायबाट अनुमति लिएर ड्रोन उडाउन पाइनेछ । ड्रोन सूर्योदयदेखि सूर्यास्तसम्म, जमिनबाट भिजिविलिटी ५ किलोमिटर रहेको अवस्थामा मात्र उडाउन पाइन्छ ।
