काठमाडौं । अनलाइनखबर डट कम(OnlineKhabar.com) गृहमन्त्री रामबहादुर थापा ‘वादल’ को विरुद्ध सुनियोजित प्रचार योजनामा निरन्तर लागेको आरोप लागेको छ । पार्टी फुटाउनेहरुको सुनियोजित योजना अनुसार शृङ्खलाबद्ध समाचार आएको नेकपाले आरोप लगाएको हो ।
पार्टी एकताका मुख्य सारथी अध्यक्ष प्रचण्ड र केपी ओलीको बीचमा आशंका र दरार पैदा गराउने र पार्टी फुटाउनेहरुको सुनियोजित योजना अनुसार शृङ्खलाबद्ध समाचार आएको नेकपाले बताएको छ ।
अनलाइनखबर डट कम ले ‘नेकपामा नयाँ ट्वीस्ट, बादलले छाडे प्रचण्डको साथ’ भन्ने समाचारलाई गृहमन्त्री थापाका राजनीतिक सल्लाहकार सूर्यप्रकाश सुवेदी ‘पथिक’ ले प्रायोजित समाचार रहेको बताए ।
उनले आफ्नो फेसबुक स्ट्याटसमा लेखेका छन्, ‘इमान्दार र अविवादित नेतालाइ अनावस्यक र सुनियोजित तवरले बिवादमा ल्याउने प्रयत्न, यसको बिस्तारमै खण्डन गर्न आवश्यक छ ।’
अनलाइनखबर डट कम गृहमन्त्री थापाका विरुद्ध सुनियोजित प्रचार योजनामा निरन्तर लागेकाले उसको समाचारका बारेमा सचेत पाठक प्रष्ट हुँदै गएको सचिवालयले जनाएको छ ।
