काठमाडौं । आकाशे पुलबाट हाम फालेर गम्भीर घाइते भएका कीर्तिमान राईको बिहीबार मृत्यु भएको छ ।
ताप्लेजुङ हाङपाङका–२ का ६० वर्षीय राईले बिहीबार विहान कोटेश्वर–कलंकी सडकखण्डको ग्वार्कोमा रहेको आकाशे पुलबाट हाम फालेर गम्भीर घाइते भएका थिए ।
प्रहरीका अनुसार तनावमा रहेको राईले बिहीबार विहान ६ः१० बजे पुलबाट हाम फालेका थिए । पुलबाट सडकमा हाम फाले पनि विहान सवारी साधन कम चलेकोले राई थप दुर्घटनाबाट जोगिएका थिए।
राईको उपचारका क्रममा बीएण्डबी अस्पतालमा मृत्यु भएको महानगरीय प्रहरी बृत्त सातदोबाटोले जानकारी दिएको छ ।
राईले किन पुलबाट हाम फाले भन्ने खुलेको छैन।
शवलाई पोस्टमार्टम गरेर आफन्तको जिम्मा लगाइने प्रहरीले जनाएको छ।
