हेटौँडा । जिल्ला अदालत मकवानपुरले गत भदौ ११ गते बालिकालाई बलात्कार गरेका एक युवालाई ९ वर्ष छ महिना कैद सजाय सुनाएको छ ।
न्यायाधीश खडानन्द तिवारीको एकल इजलासले दोलखा घर भई हेटौँडा–२ मा डेरा गरी बस्ने प्रविण थापामगरलाई बलात्कार गरेको ठहर गर्दै उक्त फैसला गरेको हो ।
थापामगरले भदौ ११ गते बाह्र वर्षीया एक बालिकालाई बलात्कार गरेको भन्दै उनि बिरुद्ध मुद्दा दायर गरिएको थियो ।
तिवारीका अनुसार दोषीबाट पीडितलाई रु ५० हजार क्षतिपूर्ति भराउने आदेश दिएको छ ।
