काठमाडौं । सुकेधारा र अनामनगर घट्टेकुलोमा भएको सिलिण्डर विस्फोटमा परि मृत्यु हुनेको संख्या तीन पुगेको छ ।५ जना घाइते भएका छन् ।
सुकेधारामा ग्याँस सिलिन्डर विस्फोट हुुँदा दुईजनाको र अनामनगरको विस्फोटमा एकजनाको मृत्यु भएको प्रहरीले जनाएको छ ।
प्रहरी प्रवक्ता डीआईजी विश्वराज पोखरेलका अनुसार सुकेधारा र घट्टेकुलो दुबै स्थानमा एकएक जना घटनास्थलमै मृत भेटिएको छ । भने उपचारको क्रममा थप एक जनाको मृत्यु भएको छ ।
घाइते ४ जनाको ओम अस्पतालमा उपचार हुँदैछ भने एक जनाको टिचिङ अस्पतालमा उपचार भइरहेको छ । घाइते मध्ये दुईको अवस्था गम्भीर रहेको बताइएको छ ।
प्रहरी भर्खरै घटनास्थलमा पुगेको छ। मृतकको सनाखत हुन सकेको छैन। पोखरेलका अनुसार अहिले मुचुल्का तयार पार्ने काम भइरहेको छ। थप विवरण आउन बाँकी छ।
यस्तै, घट्टेकुलोमा भएको विस्फोटमा घाइते भएका एक जनालाई वीर अस्पताल लगिएको छ । क्षतिको विवरणमा आउन बाँकी छ ।