काठमाडौं । सञ्चार तथा सूचना प्रविधिमन्त्री गोकुलप्रसाद बास्कोटाले सरकार प्रेसको विपक्षमा रहेको भन्ने आरोप गलत रहेको बताएका छन् । उनले नेपाली प्रेसलाई कसरी समृद्ध बनाउने भन्ने विषयमा सरकारले छलफल गरिएको बताए ।
प्रेस संगठन नेपालले पेरिस डाँडामा आयोजना गरेको १७ औं कृष्ण सेन स्मृति दिवस २०७६ पुरस्कार वितरण समारोहमा बोल्दै मन्त्री बास्कोटाले संसदमा पेस भएको मिडिया काउन्सिल विधेयकको विषयमा बकवास विरोध भएको भन्दै, एनजीओ र आइएनजीओबाट परिचालित भएर सरकारको विरोध गरिरहेको आरोप लगाए ।
मन्त्री बास्कोटाले भने, ‘संविधानका मान्यताभन्दा बाहिर गएर सरकारले कुनै काम गर्दैन् ।’ ‘प्रेस जगत संवेदनशील छ र यसलाई व्यवस्थित र मर्यादित बनाउन सरकार लागि परिरहेको छ ।’
