काठमाडौं । नेपाली कांग्रेसमा सांसद अमरेशकुमार सिंहले ससरकारको नेतृत्व गरिरहेको नेपाल कम्यूनिष्ट पार्टी नेकपा तथा विप्लव समूहबीच कुनै सम्बन्ध त छैन भन्ने प्रश्न उठाएका छन् ।
सोमबार प्रतिनिधि सभाको बैठकमा सांसद सिंहले भने, ‘हिजो एउटा कम्युनिस्ट पार्टी संसदमा थियो अर्को बम विस्फोट गर्दै हिँडेको थियो। पछि एक भए। आज पनि एउटा बम आतंक मच्चाउँदै हिँडेको छ अर्को सरकारमा , कतै सरकारसंग सम्बन्ध त छैन ?’
सरकार र विप्लव समूहसँग साँठगाँठ त छैन भन्ने प्रश्न गम्भीर भएको भन्दै बादलले भने, ‘यी नाजायज प्रश्नहरु हुन् । यो प्रश्नलाई उल्टाएर हेर्दा कतै प्रश्नहरुको सम्बन्ध त छैन भन्न सकिन्छ । तर मलाई लाग्छ विषय त्यो होइन ।’
गृहमन्त्रीको प्रतिप्रश्नमा कांग्रेस सांसद एवं पूर्वगृहराज्यमन्त्री देवेन्द्रराज कँडेलले आपत्ति जनाए । उनले विस्फोटका घटनामा कुन सांसदको कहाँ संलग्नता छ गृहमन्त्रीले सदनलाई जानकारी दिनुपर्ने नभए रेकर्डबाट हटाउनुपर्ने बताए ।
सभामुख कृष्णबहादुर महराले यसबारे सदन र गृहमन्त्रीको ध्यानाकर्षण भएको बताएका छन् ।