काठमाडौं । बलिउड सेलिब्रिटी अजय देवगनको पिताको मृत्यु भएको दुई दिन मात्र भएको छ । उनको परिवार शोकमा छ । अजयको पिताको अन्तिम संस्कारमा सहभागी हुन भारतीय कलाकारहरु उनको दैलोमा पुगेका थिए । तर हजुरवुवाको मृत्यु भएको भोलीपल्टै उनकी नातिनी भने सामाजिक सञ्जालमा ट्रोल बनेकी छन् । बलिउड सेलिब्रटी र उनका सन्तान सधैं विभिन्न कारणले ट्रोलको शिकार बन्ने गरेका छन् । अब यो सूचीमा नायक अजय देवगनकी छोरी न्यासाको नाम पनि जोडिएको छ ।
सोसल मिडियामा प्रकाशित भिडियो अनुसार न्यासा हजुरबुवाको मृत्यु भएको भोलिपल्टै अर्थात् मंगलबार मुम्बईस्थित एक सैलुनमा कपाल काट्न पुगेको भिडियो सार्वजनिक भएपछि उनी आलोचित भएकी छिन् । सैलुनबाट निस्किएपछि खिचाएको फोटो र भिडियो सार्वजनिक भएपछि उनी आलोचित बनेकी हुन् । उनलाई अहिले सामाजिक सञ्जालमा ट्रोलको शिकार बनाइएको छ ।
उक्त तस्बिरमा उनी खैरो कार्गो पाइन्छ, सेतो टप र सेतो स्निकर्समा क्यामरालाई हेरेर मुस्कुराइरहेको देख्न सकिन्छ । प्रयोगकर्ताले ‘हजुरबुवाको निधन भर्खरै भएको छ तरपनि कपाल काट्न हिँडिन्’ भन्दै प्रश्न गर्न थालेका छन् । स्मरण रहोस्, अजयका पिता एवं बलिउडका चर्चित एक्सन निर्देशक विरु देवगनको मे २७ मा निधन भएको थियो । उनको अन्तिम संस्कारमा बलिउडका विभिन्न हस्तीको पनि सहभागिता थियो ।
