सिमरा । बाराको स्याउली बजारमा आगलागी हुँदा एकै परिवारका चारसहित सात जना घाइते भएका छन् ।
जीतपुरसिमरा उपमहानगरपालिका–१४, डुमरवानास्थित स्याउली बजारका स्थानीय सुकुमाया ब्लोनको घरमा शुक्रबार बिहान करिब सात बजे सिलिण्डर ग्यास लिक भएर आगोमा लागेको हो ।
इलाका प्रहरी कार्यालय, सिमराका अनुसार आगलागीमा परी स्थानीय ५२ वर्षीया दीलमाया वाईबा, २८ वर्षीया सुनमाया ब्लोन र २६ वर्षीया कमलीमाया, ६७ वर्षीय नजरमान थिङ, ज्ञानीमाया भनिने २८ वर्षीया सुकुमाया ब्लोन, ३१ वर्षीय बौद्धमान थिङ र ३२ वर्षीया अनीता थिङ घाइते भएका छन् ।
उनीहरु सबैको सिमरास्थित अल्पाई अस्पतालमा उपचार भइरहेको छ ।
