विराटनगर । प्रहरीले सोमबार राति विराटनगर–९ को एक होटलबाट दुईवटा पेस्तोल र ८ राउण्ड गोलीसहित एकजना भारतीय नागरिकलाई पक्राउ गरेको छ ।
पक्राउ पर्नेमा भारत सितामढी ग्राम पञ्चायत थान बैरगनिया–७ घर भएका २० वर्षीय कुनाल कुमार रहेका छन् ।
जिल्ला प्रहरी कार्यालय मोरङका डीएसपी घनश्याम श्रेष्ठका अनुसार चेकजाँच गर्ने क्रममा अटोमेटिक पेस्तोल थान–१, सो पेस्तोलको म्याग्जिन थान–१ र म्याग्जिनमा लोड भएको ४ राउण्ड बरामद गरिएको बताए ।
उनकै साथबाट कटुवा पेस्तोल थान–१, पेस्तोलमा लोड भएको गोली–१ राउण्ड र उनको पाइन्टको गोजीमा ३ राउण्ड गोली भेटिएको हो ।
हतियारसहित पक्राउ परेका कुमारलाई जिल्ला प्रहरी कार्यालय मोरङमा राखेर अनुसन्धान गरिरहेको छ ।
