काठमाडौं । सरकारले सन् २०२० मा २० लाख पर्यटक भित्र्याउने घोषणा गरेको छ । तर, नेपाल आउने हवाई भाडा अत्यन्त महँगो भएकाले पर्यटक सस्तो गन्तव्यतर्फ मोडिने गरेका छन् । संसारकै जुनसुकै स्थानबाट छिमेकी भारतको दिल्लीको तुलनमा काठमाडौं आउने यात्रुले डेढ गुणासम्म बढी भाडा तिर्नुपरिरहको छ । महँगो हवाई भाडाकै कारण नेपाली पर्यटन बजार प्रभावित बनेको छ ।
यस कारण भाडा महँगो ?
१. हवाई इन्धन नै प्रतिलिटर भारत भन्दा ३९ रुपैयाँ महँगो
हवाई भाडामा इन्धनको हिस्सा ४० प्रतिशत हुन्छ । नेपालमा हवाई इन्धनको मूल्य उच्च भएकाले भाडा पनि महँगो भएको नेपाल नागरिक उड्डयन प्राधिकरणका महानिर्देशक सञ्जीव गौतम बताउँछन् ।
२. टर्मिनल एयरर्पोट, ग्राउन्ड ह्यान्डलिङ शुल्क उच्च
त्रिभुवन अन्तराष्ट्रिय विमानस्थल टर्मिनल हो, अर्थात कुनै पनि क्षेत्रबाट आउने विमानका लागि यो अन्तिम गन्तव्य । यस्ता विमानस्थलमा भाडादर महँगो हुने विज्ञहरु बताउँछन् ।
३. कमजोर राष्ट्रिय ध्वजाबाहक
राष्ट्रिय ध्वजाबाहक नेपाल वायुसेवा निगमका सेवा भरपर्दो नभएको र क्षेत्र विस्तार गर्न नसकेकोले पनि भाडा महँगो हुन गएको केही व्यवसायीको बुझाइ छ ।, समाचार नयाँ पत्रिका दैनिकमा प्रकाशित छ।
