काठमाडौं । १३ वर्षीया बालिकालाई बलात्कार गरि फरार रहेको मुद्दामा एक व्यक्तिलाई पक्राउ गरिएको छ ।पक्राउ पर्नेमा काभ्रेपलाञ्चोक साबिक पोखरीचौरी गाविस ४ का रमेश थापा छन्।
थापालाई केन्द्रीय अनुसन्धान ब्युरोले बिहीबार नयाँबजार कीर्तिपुरबाट पक्राउ गरेको हो।
२०७० साल मंसिर १६ गते उनले बालिकालाई जंगलको एकान्त स्थानमा लगेर चक्कु देखाई बलात्कार गरेका थिए। जबरजस्ती करणी मुद्दामा काभ्रे जिल्ला अदालतले थापालाई २०७४ वैशाख २५ गते ८ वर्ष कैदर ५० हजार रुपैयाँ क्षतिपूर्ति भराउने फैसला गरेको थियो। फैसला कार्यान्वयनका लागि थापालाई जगन्नाथदेवल कारागार काठमाडौं चलान गरिएको छ।
