मकवानपुर । जिल्ला प्रहरी कार्यालय मकवानपुरको टोलीले ३७ केजी लागु औषध गाँजा सहित ३ जनालाई पक्राऊ गरी आज सार्वजनिक गरेको छ ।
ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलिले बुधबार हेटौंडा उपमहानगरपालिका वडा नंबर ९ अन्तर्गत पर्ने पश्चिम सडकखण्डमा हेटौडाबाट पथलैया तर्फ जाँदै गरेको भारतिय बि आर ०१ सिएन ६९८६ नंबरको को कार लाई रोकी चेकजाँच गर्दा गाँजा बरामद गरेको हो ।
टोलीले पर्सा पटेर्वा सुगौली गाउँपालिका वडा नम्बर १ बस्ने ३४ बर्षका साम मोहम्मद, भारत बिहार बैशाली मोहनपुरका ३४ बर्षीय मनिष कुमार, भारत बिहार नालन्दा बस्ने ४५ बर्षीया अन्नुदेवी पासमानलाई सो लागू औषध गाँजा सहित पक्राउ गरेको छ ।
