हेटौंडा । पश्चिम मकवानपुरको राक्सिराङ गाउँपालिका ७ दाराङमा विशालु च्याउ खाँदा एक किशोरीको मृत्यु भएको छ । परिवारका अन्य तीनजना बेहोस छन् ।मृत्यु हुनेमा १३ वर्षकी बुञ्जीमाया चेपाङ रहेकी छिन् ।
मुख्यमन्त्री तथा मन्त्रिपरिषद कार्यालयका अनुसार बुञ्जीमायाको तीनदिन अघि खाएको च्याउको कारण मृत्यु भएको हो भने यता उनको बुबा ४५ वर्षका दीपबहादुर, दाई १९ वर्षका बच्चालाल र भाइ ७ वर्षका बाल्टा बेहोस भएका छन् ।
उनीहरुलाई हेलिकप्टरबाट उद्धार गर्ने प्रयास भइरहेको प्रदेश ३ को मुख्यमन्त्री तथा मन्त्रिपरिषद कार्यालयले जनाएको छ ।
