काठमाडौं । काठमाडौं महानगरपालिका वडा नं.९ वडा कार्यालय, गौशालाका कार्यालय सहयोगी गोविन्द खड्काविरुद्द मुद्दा दायर गरिएको छ ।
खड्काले सेवाग्राहीले व्यवसाय सञ्चालन गरे बापत वडा कार्यालयमा नियमानुसारको कर तिर्न जाँदा काममा आलटाल गरी कर बाहेक दस हजार घुस लिदै गर्दा अख्तियार दुरुपयोग अनुसन्धान आयोगको कार्यालय टङ्गालबाट खटिई गएको टोलीले पक्राउ गरेको थियो ।
खड्काले व्यवसायी कर तिर्ने काम गरिदिए बापत सेवाग्राहीसँग घुस रिसवत माग गरेको र नदिए अतिरिक्त रकम समेत निकाली दिन्छु भनी आलटाल गरेको आयोगलले जनाएको छ । सेवाग्राहीसँग घुस रकम लिएको पुष्टि भएकोले उनिविरुद्द भ्रष्टाचारको मुद्दा दायर गरिएको आयोगका प्रवक्ता प्रदीपकुमार कोइराला जानकारी दिए ।