डडेल्धुरा । डडेल्धुराको मेलखर्कबाट डोटीको रुबसकाँडा जादै गरेको ट्याक्टर आलिताल गाउँपालिकाको मेलखर्कमा दुर्घटना हुँदा १३ जना घाइते भएका छन ।
जिल्ला प्रहरी कार्यालय डडेल्धुराका अनुसार से २ त ३२१७ नम्बरको ट्याक्टर आज दिउँसो ४ बजेतिर दुर्घटनाग्रस्त भएको थियो ।
घाइते १३ जनामध्ये १० जनालाई उपचारको लागि कैलाली लगिएको र बाँकी ३ जनाको डडेल्धुरा अस्पतालमा उपचार भइरहेको प्रहरी कार्यालयले जानकारी दिएको छ ।
अत्यधिक गतिका कारण ट्याक्टर सडकमै पल्टिएको जनाइएको छ ।
