काठमाडौं । नेपालको क्रिकेट टोली एसीसी अन्डर १९ इस्टर्न रिजन २०१९ को फाइनलमा प्रवेश गरेको छ ।सोमबार आयोजक मलेसियालाई सात विकेटले पराजित गर्दै नेपालले फाइनलमा प्रवेश गरेको हो ।
किनरारा ओभलमा आयोजना भएको खेलमा नेपालले टस जितेर पहिले बलिङ गर्ने निर्णय गरेको थियो ।नेपाली बलरहरुले कसिलो बलिङ गर्दै मलेसियालाई ४०.५ ओभरमा ८७ रनमा सिमित गर्यो ।
मलेसियाका लागि मोहमद अमिरले सर्वाधिक २४ रनको योगदान दिए ।अरु खेलाडीहरुले दोहोरो अकं छुन सकेनन् ।
मलेसियाको ब्याटिङलाई ध्वस्त गर्ने क्रममा सागर ढकालले तीन विकेट लिए भने कुशल मल्लले २ विकेट लिए ।तिलक राज भण्डारी, रसिद खान र कमल सिंह ऐरीले १–१ विकेट लिए ।
जीतका लागि ८८ रनको झिनो लक्ष्य पाएको नेपालले उक्त लक्ष्य मात्र १५.५ ओभरमा ७ विकेट गुमाएर पछ्यायो ।नेपालका लागि भीम सार्कीले सर्वाधिक ३३ रन बनाए । यता कप्तान रोहित कुमार पौडेलले ३१ रनको योगदान दिए ।
ओपनर पवन सर्राफले १८ रन बनाए । अब नेपालले फाईनलमा हङकङ र सिङ्गापुरको विजेतासँग भिड्नेछ ।
