महेन्द्रनगर । गतबर्ष करणी पछि मारिएकी निर्मला पन्तकी आमा दुर्गादेवी पन्तलाई कन्चनपुरकै भिमदत्त नगरपालिकाले कार्यलयमा सहयोगीमा जागिर दिएको छ ।
केही महिना अघिबाटै दुर्गादेवी पन्तले आफुलाई परिवार धान्न गाह्रो भएको भन्दै नगरपालिका कार्यालयमा निवेदन दिँदै आएकोले नगरपालिकाको निर्णय अनुसार नै उनलाई जागिरका लागि नियुक्त गरिएको भीमदत्त नगरपालिकाका मेयर सुरेन्द्र विष्टले बताए ।
मेयर विष्टका अनुसार उनका पति अर्की श्रीमतीसँग फरक बसेकाले आफुलाई घरपरिवार धान्न गाह्रो भएको बताउदै आएकी उनलाई जागिर दिइएको हो । अब पन्तले दैनिक हाजिरीको आधारमा पारिश्रमिक पाउनेछिन् ।
