काठमाडौः बेलायतमा शनिबार सम्पन्न विम्बल्डन लनटेनिसमा महिलातर्फ सिमोना हालेप च्याम्पियन बनेकी छिन् ।
रोमानीयाका २७ वर्षीया हालेपले पूर्व च्याम्पियन अमेरिकाकी सेरेना विलियम्सलाई ६-२, ६-२ को सोटो सेटमा पराजित गरेकी थिइन् । उक्त खेल ५६ मिनेटमै सकिएकाे थियाे
पहिलो पटक विम्बल्डन जितेकी सिमोना हालेपले कोर्टमा निकै सशक्त प्रतिभा प्रस्तुत गरेकी थिइन् । उनको जितमा सेरेनाले सर्भिस र अरु कैयौं पटक गरेका गल्तीले पनि सहज भूमिका निर्वाह गरेको थियो ।
यो उनको पहिलो विम्बल्डन उपाधि हो । सिमाेनाले सन् २०१८ मा फ्रेन्च अाेपन जितेकी थिइन् ।
३७ वर्षकी सेरेना विलियम्स २४अाैं ग्रान्डस्लाम उपाधिकाे खाेजीमा थिइन् तर उनकाे सपना यसपटक पूरा हुन पाएन । विगत १२ महिनामा सेरेनाकाे याे तेस्राे मुख्य हार हाे ।
पुरुषतर्फ भने आइतबार फाइनल खेल हुनेछ । फाइनलमा रोजर फेडरर र नोभाक जोकोभिक भिड्दैछन् ।