भोजपुर । पोखरीमा पौडी खेल्ने क्रममा भोजपुरको आमचोक गाउँपालिकामा दुईजना युवकको मृत्यु भएको छ। मृत्यु हुनेमा आमचोक गाउँपालिका २ यूँको थामडाँडास्थित स्थानीय २५ वर्षीय निमा शेर्पा र २० वर्षीय गेल्बु शेर्पा रहेका छन् ।
प्रहरीका अनुसार खानेपानीका लागि निर्माणाधिन पोखरीमा स्थानीयले सोमबार करिब साढे १२ बजेतिर दुवैको शव तैरिरहेको देखेपछि प्रहरीलाई खबर गरेका थिए ।
घरबाट घुम्न निक्लिएका दुई भाइ पोखरीमा पौडी खेलेपछि बाहिर निस्किन नसकेपछि मृत्यु भएको स्थानीयले बताए।
