काठमाडौ: बेलायतको सत्तारुढ दल कन्जरभेटिभ पार्टीको नेतृत्वका लागि भएको निर्वाचनमा भारी बहुमत पाएका बोरिस जोन्सन बेलायतको प्रधानमन्त्री हुने निश्चित भएको छ । उनले बिहीबार प्रधानमन्त्री पदको सपथ लिने अनुमान गरिएको छ । प्रधानमन्त्री थेरेसा मेले प्रधानमन्त्री पदबाट राजीनामा दिएसँगै पार्टीभित्र नेतृत्वका लागि मतदान भएको थियो ।
जोन्सनले पार्टीको चुनावमा ९२ हजार १५३ र अर्का उम्मेदवार विदेशमन्त्री जेरेमी हन्टले ४६ हजार ६५६ मत प्राप्त गरेका थिए ।
बेलायत युरोपेली युनियनबाट अलग हुनुपर्छ भन्ने प्रखर अडान राख्ने जोन्सन निर्वाचित भएसँगै ब्रेक्जिटबारे थप बहस हुँदैछ । मुख्य विपक्षी पार्टीले भने ब्रेक्जीटमा समर्थन गरेको छैन ।
यही विवादका कारण प्रधानमन्त्री थेरेसा मेले राजीनामा दिएकी थिइन् ।
