काठमाडौं । उन्नत लोकतन्त्र पार्टी र स्वतन्त्र राष्ट्रिय अभियानले एमसीसी परियोजना सम्बन्धि प्रस्ताव संसद सचिवालयको रेकर्डबाटै हटाउन एवं कुनै पनि बैठकको कार्य सूचीमा नराख्न माग गरेको छ ।
मंगलबार उन्नत लोकतन्त्र पार्टी र स्वतन्त्र राष्ट्रिय अभियानले संघीय संसदको सचिवालयमा सम्पूर्ण सांसदहरु र सभामुख समेतका लागि जनताका तर्फबाट प्रस्ताव पत्र दर्ता गराएको उन्नत लोकतन्त्र पार्टीका अध्यक्ष स्वागत नेपालले जानकारी दिएका छन् ।
दर्ता नम्बर १०२ रहेको सो प्रस्ताव पत्रमा कानुन र संविधानसँग बाझिएका एमसिसिका प्रावानहरु, अन्तर्राष्ट्रिय अभ्यासहरु र नेपाल विशेष सन्दर्भहरुको विश्लेषण सहित एमसीसीबारेको प्रस्ताव संसदको वेवसाइटबाट पनि हटाउन माग गरिएको उनले जनाएका छन् ।
साथै, यदि जबर्जस्ती एमसिसि पास भएको घोषणा गरिए अनिष्ट हुने चेतावनी समेत सो समूहले दिएको छ ।