काठमाडौं । भारत प्रशासित जम्मू कश्मीरमा केही नेताहरु नजरबन्दमा परेका छन् ।
नेश्नल कन्फरेन्सका नेता उमर अब्दुल्ला, पीडीपी अध्यक्ष मेहबूबा मुफ्ती र जम्मू कश्मीर पीपल्स कन्फरेन्सका अध्यक्ष सज्जाद लोनलाई नजरबन्दमा परेका हुन् । त्यहाँ मानिसहरूको आवतजावतमा कडाइ गरिएको छ।
एक स्थानीय पत्रकारलाई उद्धृत गर्दै बीबीसी हिन्दीले श्रीनगरमा मानिसहरूको आवतजावत रोक्न संविधानको धारा १४४ लागु गरिएको जनाएको छ। श्रीनगरमा चार जनाभन्दा बढी मानिसलाई भेला हुन दिइएको छैन।
यो आदेशअनुसार मानिसहरूको आवतजावतमा बन्देज लगाइएको छ र सबै शिक्षण संस्थाहरू बन्द भएका छन्। श्रीनगरमा मोबाइल फोन र इन्टरनेटको सेवा पनि बन्द गरिएको छ।भारतले दशौँ हजार सैनिक कश्मीर उपत्यकामा खटाइसकेको छ।
