• १५ असार २०८१, शनिबार
  •      Sat Jun 29 2024
  •   Unicode
Logo
Latest
★   उत्पादत्व वृद्धिका निम्ति परम्परागत पद्धति परित्याग गर्न मन्त्री चौधरीको सुझाव ★   बैङ्कर्स भण्डारीको ‘आफैँलाई नियाल्दा’ कृति विमोचन ★   के कोहलीले फाइनलका लागि रन बचाएर राखेका हुन् ? ★   भारत र दक्षिण अफ्रिकाबीचको फाइनलमा पानी पर्ने सम्भावना, आज खेल नभए के हुन्छ ? ★   वामपन्थी सहकार्यलाई सफल बनाएर एकताको ढोका खोल्नुपर्छ: प्रधानमन्त्री ★   एग्रिकल्चर गेम रियालिटि शो ‘र’कोआबेदन खुल्ला: खोकनामा रोपाई गर्दै राजेश हमाल- फोटो फिचर ★   भोलिदेखि सुरु हुने नेकपा एसको दशौँ राष्ट्रिय महाधिवेशनको तयारी पूरा ★   धान दिवस: रोपाइँको रौनक-फोटो फिचर  ★   युरो कपका नकआउट चरणका खेल आजबाट, जर्मनी र डेनमार्क तथा इटाली र स्वीट्जरल्यान्ड भिड्दै ★   मधेसमा उमेर नपुगी विवाह गर्ने ५० प्रतिशत भन्दाबढी

ऊर्जामन्त्रीले जुम्लामा विद्युतबारे बोल्दा संसदमै बत्ती गएपछि…



काठमाडौं। नेकपाका सांसद गजेन्द्र महतले मंगलबार ऊर्जामन्त्री वर्षमान पुन र विद्युत् प्राधिकरणका कार्यकारी निर्देशक कुलमान घिसिङले जुम्लामा विद्युत् सेवा दिने विषयमा चासो नदेखाएको बताएपछि संसद्ले चासो देखायो । संसद्ले जुम्लामा विद्युत् सेवा पुर्याउने विषयमा जानकारी गराउन रुलिङ गर्यो । संसद्को रुलिङपछि बिहीबारको प्रतिनिधिसभा बैठकमा विद्युत् सेवा विस्तारको विषयमा जानकारी गराउन ऊर्जामन्त्री पुन उपस्थित भए ।

जुम्लामा विद्युत् सेवा विस्तारको प्रक्रिया सुरु गरिएको बताइरहँदा संसद्मै बत्ती गयो । जुम्ली सांसद महतले जुम्लामा अहिले पनि अँध्यारो रहेको बताउँदै सरकारले विदेशमा बिजुली बेच्ने कुरा गरेको तर आफ्नै जुम्लामा विद्युत् सेवा नपुगेको विषयमा चासो नदेखाएको बताएका थिए । जुम्लामा विद्युत् सेवा विस्तारको विषयमा प्रश्न उठाएका महतको जवाफ दिन संसद्को रोस्टममा उभिएका ऊर्जामन्त्री पुनले संसद्मा नै अँध्यारो भोग्नुपर्यो । उनले जुम्लामा विद्युत् सेवा विस्तारको काम सुरु भइसकेको र केही समयमा नै जुम्लामा केन्द्रीय प्रसारण लाइन विस्तारका लागि बोलपत्र आह्वान गरिएको बताए ।

ऊर्जा, जलस्रोत तथा सिँचाइमन्त्री वर्षमान पुनले बोल्दै गर्दा बिहीबार संसद्मा बत्ती निभेको हो । जुम्लामा विद्युतीकरणको विषयमा सांसद महतले उठाएको प्रश्नको जवाफ दिन रोस्टम पुगी मन्त्री पुन बोल्दाबोल्दै बत्ती निभेको हो । बत्ती निभे पनि उनी बोलिरहे । करिब १५ सेकेन्डपछि बत्ती बल्यो । सांसद महतको प्रश्नको जवाफ दिँदै मन्त्री पुनले जुम्लाको समस्या आफूहरूलाई जानकारी भएको भन्दै त्यसको समाधानका लागि पहल गरिरहेको बताए । उनले जुम्लामा बत्ती बाल्न तत्कालका लागि ३ सय केभीएको डिजेल प्लान्ट पठाउने तयारी भइसकेको बताए ।

जुम्लामा सञ्चालित २४० किलोवाटको लघु जलविद्युत् आयोजना बिग्रिएकाले बत्ती नबलेको हो । मन्त्री पुनले उक्त आयोजना मर्मतसम्भार गर्ने र जुम्लासहित कर्णाली प्रदेशमा केन्द्रीय प्रसारण लाइन पु¥याउन काम सुरु भइसकेको पनि जानकारी गराए । मन्त्री पुनलाई प्रश्न सोध्दा कांग्रेस सांसद दिलेन्द्रप्रसाद बडुले भने ‘माननीय ऊर्जामन्त्रीले बोल्दै गर्दा बत्ती निभ्नुले देशको विद्युत् आपूर्ति अवस्था के छ भन्ने देखाउँछ ।’ बिहीबार संसद्मा ऊर्जामन्त्री पुन बोलिरहँदा अकस्मात बत्ती गयो । बत्ती जाने क्रम दोहोरिएको थियो ।

अर्का सांसद कृष्णगोपाल श्रेष्ठले परिस्थितिले देशभरिको स्थिति उजागर भएको भन्दै ऊर्जामन्त्रीको ध्यानाकृष्ट गराए । संसद्मा उनको भनाइ थियो, ‘आजै गजब भयो । जलस्रोतमन्त्री बोलिरहँदा ठ्याक्कै बत्ती निभ्यो । आजजस्तो कहिल्यै भएको थिएन । देशभरिको स्थितिबारे संसद्मार्फत जानकारी दिइएको हुन सक्छ †’ प्रश्न गर्नेमध्ये एक सांसद लक्ष्मी परियारले सदनमा तस्बिर आफैं बोलेको बताइन् । उनले भनिन्, ‘धेरै ठाउँमा लेखेको देख्छु, तस्बिर आफैं बोल्छ नो क्याप्सन † आज संसद्मा तस्बिर आफैं बोलेको छ ।’

संसद्को बत्ती लोडसेडिङ कारण नभई एमसीभी झरेर निभेको स्पष्टीकरण सांसद पदम गिरीले दिए । उनले उज्यालो नेपालका लागि पहल कदमी लिइरहेको भन्दै मन्त्री पुनलाई धन्यवाद दिँदै भने, ‘एमसीभी गिरेका कारण विद्युत् आपूर्ति असहज भयो । तर, लोडसेडिङ भनेर कुरा उठाइयो । यस्ता हल्काफुल्का विषयले मर्यादा घटाउँछ ।’, समाचार राजधानी दैनिकमा प्रकाशित छ ।