काठमाडौं । ७ खेलमा ७५ रन । झट्ट हेर्दा यो आँकडा तल्लो स्तरको ब्याट्सम्यानको जस्तो देखिन्छ । तर, यो विश्वकपका आँकडा भारतीय स्टार ब्याट्सम्यान विराट कोहलीका हुन् ।
विश्वभरका लगभग हरेक ब्याटिङ रेकर्डमा जसको नाम समावेश छ त्यस ब्याट्सम्यानको यस्तो प्रदर्शन अचम्मको छ ।
प्रश्न उठ्छ कि विराटले फाइनलमा के गर्नेछन् ? त्यहाँ गेम चेन्जर हुनेछन् ? के विराट खेलको म्यान अफ द म्याच बन्नेछन् ? भारतीय कप्तान रोहित शर्माको यो विश्वास छ ।
इङ्ल्यान्डविरुद्धको जितपछि रोहित शर्माले १५ वर्षदेखि क्रिकेट खेल्दै आएका ब्याट्सम्यानका लागि फर्मले कुनै फरक नपर्ने बताएका छन् । सायद कोहलीले फाइनलका लागि सबै रन बचत गरेका छन् ।
यसको कारण हो कोहलीका यस्ता ५ खेल, जसमा उनले एक्लैले टोलीलाई जित दिलाएका छन् ।
१. एकदिवसीय विश्व कप फाइनल – २०११
मुम्बईको वानखेडेमा भारतले श्रीलंकाविरुद्ध २ सय ७५ रनको लक्ष्य पछ्याएको थियो । सचिन तेन्दुलकर र वीरेन्द्र सहवाग आउट भए । ३१ रन मात्र बन्यो । साझेदारी आवश्यक थियो । कोहलीले मात्र ३५ रनको इनिङ खेले तर गम्भीरसँग ८३ रनको साझेदारी गरे । रन पछ्याउने क्रममा भारतको सुरुवात खराब रह्यो ।
२. च्याम्पियन्स ट्रफी फाइनल – २०१३
इङ्ल्यान्ड र भारतबीचको यो ५०–५० ओभरको खेल वर्षाका कारण २०–२० ओभरमा घटाइएको थियो । भारतीय टोलीले ७ विकेट गुमाएर १२९ रन मात्र जोडेको थियो । यसमा कोहलीको ४३ रनको योगदान थियो । दुवै टोलीबाट कोहलीले सर्वाधिक रन बनाए । यो खेल भारतले जितेको थियो ।
३. टी–२० विश्वकप २०१४ को सेमिफाइनल
यो सेमिफाइनल भारत र दक्षिण अफ्रिकाबीच भएको थियो । दक्षिण अफ्रिकाले भारतलाई कुल १७३ रन दिएको थियो । विराट कोहलीले अविजित ७२ रनको इनिङ खेले । १९ औं ओभरमा भारतले लक्ष्य पछ्यायो ।
४. टी–२० विश्वकप –२०१६
सुपर १० मा भारतले अस्ट्रेलियासँग खेल्दै थियो । सेमिफाइनल पुग्न भारतलाई जित आवश्यक थियो । अस्ट्रेलियाले १६१ रनको लक्ष्य दिएको थियो । भारतले १४ ओभरमा ९४ रन बनाएको थियो । भारतको स्कोर ६ ओभरमा २३ रन थियो । जितका लागि १३८ रनको आवश्यकता थियो र कोहली ब्याटिङमा आए । सुरुमा समय लागे पनि उनले पछि छिटो ब्याटिङ गरे । ९ चौका र २ छक्का प्रहार गरे । ८२ रनको अविजित इनिङ खेल्दै कोहलीले जित दिलाए ।
५. टी–२० विश्व कप – २०२२
समूह २ को खेलमा भारत र पाकिस्तान आमनेसामने भएका थिए । पाकिस्तानले भारतलाई १६० रनको लक्ष्य दिएको थियो । पाकिस्तानी फास्ट बलरहरुले भारतको ४ विकेट ३१ रनमा घटाएका थिए । कोहलीले ८२ रनको अविजित इनिङ खेल्दै क्रिजमा थिए । हार्दिकसँग ११३ रनको साझेदारी गर्दै कोहलीले भारतलाई असम्भव जित दिलाए ।
दक्षिण अफ्रिकाविरुद्धको एकदिवसीय, टेस्ट र टी–२० मा विराट कोहलीको ब्याटिङ प्रभावकारी रहेको छ । ६० खेलमा उनको औसत ५५ भन्दा बढी छ, जसको अर्थ उनले हरेक इनिङ्समा यति धेरै रन बनाएका छन् । टी–२० को १२ इनिङ्समा ३१८ रन बनाएका छन् । उच्चतम रन ७२ रहेको छ । उनले २ अर्धशतक बनाएका छन् ।
