काठमाडौँ । टी–२० विश्वकप २०२४ को फाइनल खेल नेपाली समयानुसार आज राति सवा ८ बजे भारत र दक्षिण अफ्रिकाबीच बार्बाडोसको ब्रिजटाउनमा सुरु हुँदैछ । बार्बाडोसमा अहिले बिहानको समय छ । पानी परेको छैन र आकाश सफा छ । घाम पनि निस्किसकेको छ ।
समयमै टस हुने सम्भावना धेरै छ । तर, फाइनल खेलमा वेस्ट इन्डिजको स्थानीय समय दिउँसो १ः३० र नेपालको सवा ११ बजे सबैभन्दा बढी ५१ प्रतिशत वर्षा हुने सम्भावना छ ।
यदि यो खेल वर्षाका कारण आज सम्पन्न हुन सकेन भने रिजर्भ डे अर्थात ३० जुनमा फेरि सोही रंगशालामा खेलाइनेछ ।
विश्वकपमा हालसम्म भएका ५४ खेलमध्ये ८ खेलहरु वर्षाले प्रभावित हुन पुगेका छन् । जसमध्ये ४ खेल डिएलएसमा भएको थियो भने ४ खेल नतिजाबिहिन रह्यो ।
