चितवन । पूर्वी चितवनमा करेन्ट लागेर एक युवकको मृत्यु भएको छ । मृत्यु हुनेमा खैरहनी नगरपालिका–१ बस्ने वर्ष २९ का अनिश महतोरहेका छन् ।
प्रहरीका अनुसार महतोको अन्नपूर्ण पोल्ट्री फार्ममा वेल्डिङ गर्ने क्रममा करेन्ट लागेर मृत्यु भएको हो ।
विहान करेन्ट लागेर घाइते भएका महतोलाई उपचारका लागि पुरानो मेडिकल कलेजमा ल्याइएको थियो । उनको उपचारको क्रममा मृत्यु भएको प्रहरीले जनाएको छ ।
