काठमाडौं । काठमाडौंको अनामनगरमा, केटिएम स्कूल अफ मेकअप स्टुडियोले मेकअप स्टुडियो प्रोफेशनल एम्स्टर्डमको सहकार्यमा आफ्नो मेकअप स्कूलको सुरुवात गरेको छ ।
उक्त स्कूलको सफ्ट लन्च गर्न तथा ब्राइडल मेकअप सम्बन्धि मास्टर्स कक्षा दिनको लागि कलकत्ताबाट प्रशिद्ध मेकअप आर्टिस नम्रता शर्मा आएकी थिइन् । उक्त मास्टर्स कक्षा लिनका लागि देशका विभिन्न भागबाट ख्यातिप्राप्त व्यूटिसियनहरु आएको आयोजकले बताएका छन् । उक्त प्रशिक्षणमा ४ दिनसम्म संचालन भएको थियो ।
केटिएम स्कूल अफ मेकअप स्टुडियो नेदरल्याण्डको सहकार्यमा शुरु भएको हो । अन्तर्राष्ट्रिय मेकअपमा आफ्नो भविष्य बनाउने जो कोहीले ट्रेनिङ लिन सक्ने र सम्पूर्ण प्रोडक्टहरु मेकअप स्टुडियो एम्स्टर्डमको नै प्रयोग गरिने काठमाडौं स्कूल अफ मेकअप स्टुडियोका डाइरेक्टर मिना महतले बताइन । यहाँ अन्तर्राष्ट्रिय स्तरको मेकअप को साथ साथै हेयर स्टाइल सम्बन्धि पनि तालिमको व्यवस्था गरिएको उनले जानकारी दिइन् ।
