काठमाडौं । नेकपा माओवादी केन्द्रका अध्यक्ष पुष्पकमल दाहालले एमाले अध्यक्ष केपी ओलीले तत्कालीन राजा ज्ञानेन्द्र शाह संग गरेको सहमति प्रमाणीत गर्न चुनौति दिनु भएको छ । आज एक बिज्ञप्ति जारी गर्दे प्रचण्डले सहमति प्रमाणित गर्न चुनौती दिदै प्रमाणित गर्न नसके जनतासामु माफी माग्नुपर्ने माग गर्नुभएको छ ।
यो पनि पढ्नुहोस – प्रचण्ड र माधव अस्थिरताको संवाहक : केपी ओली (भिडियो सहित)
बिज्ञप्तिमा भनिएको छ ‘पूर्वराजा ज्ञानेन्द्र शाहसँग प्रचण्डको पाँच बुँदे सहमति भएको थियो भन्ने शत प्रतिशत झुटो कुरा प्रचार गरेर उनले आफ्नो दरिद्र राजनैतिक चरित्र मात्र प्रदर्शन गरेका छन् । म के. पी. ओलीलाई “पाँच बुँदे सहमति” प्रमाणित गर्न र प्रमाणित गर्न नसके झूटो बोलेकोमा जनतासँग माफी माग्न चुनौती दिन्छु ।’
ओली प्रति निकै आक्रोशित भाषा प्रयोग गरेर जारी गरिएको बिज्ञीपतमा भनिएको छ ‘दलाल पूँजिपति वर्ग र प्रतिगमनको राजनीतिक प्रतिनिधिका रूपमा देखा परेका एमाले गुटका अध्यक्ष केपी शर्मा ओली झूट, बेइमानी र धोकाको अर्को नाम हो भन्ने तथ्यलाई हालैको आफ्नै अभिव्यक्तिले प्रमाणित गरेका छन् ।’
एमाले अध्यक्ष ओलीले केन्द्रीय समितिमा मनोनित भएका ४० सदस्यको सपथग्रण कार्यक्रमलाई सम्बोधन गर्ने क्रममा तत्कालीन राजा ज्ञानेन्द्र शाह र माओवादी अध्यक्ष पुष्पकमल दाहाल ‘प्रचण्ड’ बीच सहमति भएर माघ १९ को घटना भएको दाबी गर्नुभउको थियो । उहाँले दाहाल र माधब कुमार नेपाल परिबर्तनको बाधक भएको भन्दै कडा आलोचना गर्नुभएको थियो ।