काठमाडौं । राष्ट्रियसभाका सदस्य जितेन्द्रनारायण देवले नेपाल सरकारलाई जम्मू कश्मीरबारे धारणा सार्वजनिक गर्न माग गरेका छन् । छिमेकी मुलुकहरुले आआफ्नो धारणा सार्वजनिक गरिरहेका बेला नेपाल मौन बस्नु सफल कूटनीति नहुने भन्दै उनले राष्ट्रिय सहमतिका साथ धारणा सार्वजनिक गर्नुपर्ने बताएका हुन् ।
‘परराष्ट्रमन्त्रीले नजिकबाट नियकाल्दैछौ भने । यो नियाल्ने काम कहिलेसम्म हुन्छ? आँट छ भने यो सरकारले बोलोस्’ उनले भने, ‘अनि कांग्रेसले आफ्नो प्रतिक्रिया दिन्छ ।’ पछिल्ला कार्यशैलीले सरकार उत्तरतिर फर्कने प्रत्यन्त गर्दैछ भन्ने सन्देश गएको भन्दै उनले नेपाललाई भविश्यमा समस्या पार्ने चेतावनी दिए ।
उनले भारतसँगको कूटनीतिक सम्बन्धमा असन्तुलन पैदा हुँदा पर्न सक्ने सामाजिक, राजनीतिक र आर्थिक असरबारे समयमै सोच्न आग्रह गरेका छन् ।
