चितवान जिल्ला कार्यलय अगाडि भर्खरै लामिछाने समर्थकको भिडलाई नियन्त्रण गर्न प्रहरीद्वारा १२ राउण्ड अश्रु ग्यास प्रहार गरिएको छ । समर्थकहरुले लामिछाने, युवराज कंडेल र अस्मिता कार्किको बयान लिने कामलाई भोली सारेको भन्दै नाराबाजी लगाएका थिए र त्यस प्रिदर्शनलाई नियन्त्रण गर्न प्रहरीले अश्रु ग्यास प्रहार गरेका थिए ।
सालिकराम पुडासैनीको मृत्यु प्रकरणमा पक्राउ परेका टेलिभिजन कार्यक्रम प्रस्तोता रवि लामिछाने, युवराज कंडेल र अस्मिता कार्किको आज वयान लिन भनिएको थियो, जसमा आज अस्मिता कार्कीको मात्रै बयान लिई लामिछाने र कंडेलको बयान लिने कार्यलाई भोलीको भाकामा सारिएको थियो ।
जसकारण आज सबै अभियुक्त पुनः प्रहरी हिरासतभित्रै बस्नु पर्ने भएको छ । अब बाँकीका लामिछाने र कँडेलको बयान भोली सकिएपछि मात्र थुनछेक बहस शुरु हुनेछ । थुनछेक बहसपछि मात्र उनीहरु धरौटिमा छुट्ने या पुर्पक्षका लागि थुनामा जाने अथवा साधारण तारेखमा छुट्ने निर्णय हुनेछ ।
