१२ आश्विन २०८१, शनिबार
,
तपाईं के खोज्दै हुनुहुन्छ ?

सामाजिक सञ्जालको दुरुपयोग भयोः नेकपा सांसदहरु



अ+ अ-

काठमाडौं । सत्तारुढ नेपाल कम्युनिस्ट पार्टी (नेकपा) का सांसद खगराज अधिकारी र नेकपा सचेतक शान्ता चौधरीले सामाजिक सञ्जालको दुरुपयोग बढेको भन्दै सरकारको ध्यानाकर्षण गराएका छन् । सामाजिक सञ्जालको दुरुपयोग रोक्न नियमन, नियन्त्रण र कारबाही आवश्यक रहेको उनीहरुको भनाई छ ।

सोमबार संसदको विशेष समयमा बोल्दै सांसद अधिकारीले सामाजिक सञ्जालमा अराजकता व्याप्त रहेको कुरा जिकिर गरे । प्रधानमन्त्रीलाई स्वर्गवासको कामना गर्ने अपराधिक मनोवृत्तिसमेत देखिएको भन्दै उनले खेद जनाएका थिए । लोकतन्त्रभित्र छाडातन्त्र अटाउन नसक्ने भन्दै सचेतक चौधरीले भनिन्, ‘फेसबुक, ट्वीटर र कतिपय अनलाइन मिडियामा चरित्र हत्या गरेर लेखिन्छ, निराधार आरोप लगाइन्छ र फोटोसपबाट अनेकौं फोटो जोडेर भिडियो बनाएर युट्युब च्यानलमा मिथ्या कुराको ब्यापार गरिन्छ ।’

सत्य समाचार सम्प्रेषण गर्नेहरुको सम्मान गर्ने तर आजभोलि फेक समाचारको ब्यापार मौलाएको उनले बताइन् । चौधरीले सामाजिक सञ्जालको दुरुपयोग कारण धेरै मानिस भ्रममा परेको पनि बताइन् ।