काठमाडौं । प्रशिक्षक आकाशमै अचेत भएपछि एक प्रशिक्षार्थी विमानचालकले अस्ट्रेलियामा एउटा सानो विमानलाई सफलतापूर्वक अवतरण गरेका छन्।उनलाई विमान उडाउन सिकाउँदै गर्दा उनका प्रशिक्षक बेहोस भएपछि म्याक्स सिल्भेस्टरले हवाई ट्राफिक नियन्त्रकसँग आपत्कालीन सञ्चार गरेका थिए।
‘विमानलाई कुनै क्षति पुगेको छैन। यो एउटा राम्रो अवतरण थियो’, उडान स्कूलका मालिक चक म्याकइल्वीले भने।उनले ती प्रशिक्षार्थी विमानचालक र पर्थस्थित विमानस्थलको हवाई ट्राफिक नियन्त्रणको प्रशंसा गरेका छन्।
विमान अवतरण गर्दा उनलाई आफ्नो परिवारका सदस्यहरू र आपत्कालीन उद्धारकर्मीहरूले कुरिरहेका थिए।उनको प्रशिक्षकलाई अस्पताल लगिएको छ।
